Ceyhun Bayramov isveçli həmkarı ilə videokonfrans formatında görüşüb

Ceyhun Bayramov isveçli həmkarı ilə videokonfrans formatında görüşüb

22.12.2020 21:34

Bu ilin 22 dekabr tarixində Azərbaycan Respublikasının Xarici İşlər naziri Ceyhun Bayramov və İsveç Krallığının Xarici İşlər naziri Ann Linde arasında videokonfrans formatında görüş baş tutub.

Bu barədə XİN-dən məlumat verilib.

Bildirilib ki, görüşdə bölgədə mövcud olan son vəziyyət və 10 noyabr tarixli üçtərəfli bəyanatdan irəli gələn bir-sıra məsələlərin icrası ətrafında fikir mübadiləsi aparılıb.

Nazirlər, 2021-ci ildə Avropada Təhlükəsizlik və Əməkdaşlıq Təşkilatına (ATƏT) İsveçin sədrliyini nəzərə alaraq, ATƏT-lə Azərbaycan arasında əməkdaşlıq məsələlərini müzakirə ediblər.

Görüşdə, habelə ikitərəfli əməkdaşlıq münasibətləri, eləcə də qarşılıqlı maraq doğuran digər regional və beynəlxalq məsələlər ərtafında fikir mübadiləsi aparılıb.