Mülki əhaliyə dəymiş ziyanın qiymətləndirilməsi üzrə Dövlət Komissiyasının növbəti iclası keçirilib - FOTO

Mülki əhaliyə dəymiş ziyanın qiymətləndirilməsi üzrə Dövlət Komissiyasının növbəti iclası keçirilib - FOTO

21.12.2020 21:14

27 sentyabrdan başlayaraq mülki əhaliyə dəymiş ziyanın qiymətləndirilməsi və aradan qaldırılması üzrə Dövlət Komissiyasının növbəti iclası keçirilib.

Bu gün Baş nazir və Dövlət Komissiyasının sədri Əli Əsədovun sədrliyi ilə Azərbaycan Respublikasının Prezidentinin 06 noyabr 2020-ci il tarixli “2020-ci il sentyabrın 27-dən başlayaraq Ermənistan Respublikası silahlı qüvvələrinin Azərbaycan Respublikasının ərazisinə təcavüzü nəticəsində mülki əhaliyə, dövlət əmlakına, o cümlədən infrastruktur obyektlərinə, habelə sahibkarlıq fəaliyyəti subyektlərinə dəymiş ziyanın qiymətləndirilməsi və aradan qaldırılması ilə bağlı tədbirlər haqqında” Sərəncamının icra vəziyyətinə dair məsələlərə həsr olunmuş müşavirə keçirilib.

Müşavirədə Dövlət Komissiyasının üzvləri iştirak ediblər. Müşavirədə indiyə qədər görülmüş işlər müzakirə olunub və qalan məsələlərin qısa müddətdə başa çatdırılması və Prezidentin Sərəncamında göstərilmiş müddətdə təqdim olunması barədə müvafiq tapşırıqlar verilib.