Növbəti hərracda doqquz dövlət əmlakı özəlləşdirilib

Növbəti hərracda doqquz dövlət əmlakı özəlləşdirilib

23.12.2020 16:04

İqtisadiyyat Nazirliyi yanında Əmlak Məsələləri Dövlət Xidməti tərəfindən növbəti özəlləşdirmə hərracı təşkil olunub.

Komitədən verilən məlumata əsasən, hərracda doqquz dövlət əmlakı özəlləşdirilib. Bunlardan dördü kiçik dövlət müəssisəsi, beşi isə nəqliyyat vasitəsidir. 

Hərracda özəlləşdirilən kiçik dövlət müəssisələri Bakı şəhərində, Masallı və Yevlax rayonlarında yerləşir.

Məlumatda bildirilib ki, hərraclarda hər kəsin sərbəst iştirakı təmin edilir. İştirak etmək istəyən şəxslər üçün seçdikləri dövlət əmlakı üzrə elektron sifariş verməklə yanaşı, hərraclara onlayn qoşulmaq imkanı da yaradılıb.

Prosesə marağı olanlar hərrac günü həm Əmlak Xidmətləri Məkanına gəlməklə, həm də elektron resurslardan istifadə etməklə hərracları qeydiyyatsız formada izləyə də bilərlər.